Jabka Lafaha Lugta
Lugta waa inta u dhaxeysa Jilibka iyo Anqawga waxaana ku jira laba lafood oo midi weyntahay (Tibia) gudaha iyo horayna soo jirta halka mida kalana yartahay ayna xigto qaybta banaanka ee lugta (Fibula).
Labadan lafood waxay ka mid yihiin kuwa ugu badan ee jaba iyadoo Shil baabuur, mooto iyo jug xoogan ay tahay waxa ugu badan ee jabiya. Sidoo kale lugta Jabkeedu wuxuu noqon karaa mid ay lafta banaanka u soo baxdo (Open fracture) iyo mid aysan usoo bixin (Closed fracture) kuwaas oo midka hore yahay mid Emergency ah una baahan in si deg deg loola tacaalo.
Xalka iyo Daaweynta Jabkan wuxuu ku xiran yahay nuuca jabka, da’da bukaanka iyo xaalado kale sida aan kusoo xusnay Qaybta Xogta Guud sidaa daraadeeda Fadlan tag Isbitaal oo la tasho Dhakhtar Lafo hadii aad la kulanto xaalad nuucan ah.
Fadlan booqo Qaybaha kale ee Jabka si aad uga bogato Wacyigelin iyo Warbixino kale oo wax badan ku ifin doona.
Waxaa la Qoray
August 2022
Waxaa Qoray
Dr.Sayid omar, Dhakhtarka Lafaha ee Isbitaalka Jaamacada Jazeera
Digniin: Xogta kore looguma talo galin in wax lagu daaweeyo ama go’aan caafimaad lagu qaato; Fadlan la tasho Dhakhtarkaaga hadii aad u baahan tahay la talin iyo daaweyn rasmi ah. Waxaad ka heli kartaa Dr.Sayid halkan oo aad balan ka qabsan kartaa.